أكذب , بنساك , على , هذا , نفسي , قمة
أكذب على نفسي إذا قلت بنساك
أكذب على نفسي إذا قلت بنساك
ياليل ما أذكر في حياتي تمنيت
مثل إبتسامه تنتشل قلب منصاب
مليت ورب البيت ياليل مليت !
من الجروح اللى تجيني بلا اسباب
تدري يالليل اني على الجرح غنيت
غنيت دمعه والصدى ضم الاهداب
تبي الحقيقه والصراحه ترجيت
فرحه ولكن الزمن بالعطا خاب
ياليل قلي بدنيتي ويش سويت !
حتى الهموم بداخلي تفتح أبواب
إن كان طيبي عيب ومشكلتي اوفيت
أموووووووت صادق وارفض اعيش كذاب
طبعي كذا عن ميزتي ما تخليت
عندي مبادي دونها ترخص ارقاب
بيني وبينك ياكثر ما تعنيت
أركض بغرفه مغلقه مالها باب
غرفه وراها فرحتي دونها جيت
اركانها عتمه ولا حولي احباب
كاس الفراق المر منه تقهويت
انا اشهد إن الشوق ياليل غلاب
ياليل انا لا شفت ما عفت قفيت
اقفي ولو خلفي كثيرين الاصحاب
الا جروحي كل مارحت وقفيت
جتني تحمل صدتي لوم وعتاب
ما أذكر ولو مره بحياتي تهنيت
اضحك كذا والصدق عن شفتي غاب
صارت دموعي ضيف وعيوني البيت
ودايم تشوف من المناديل ترحاب
لا شفت شمس الصبح ليديك حنيت
في داخلك حبر القلم بالشقى ذاب
اسريك بالحالي واذا رحت ونيت
مابي تروح ودمعتي بين الاهداب
أكتب شعوري في ظلامك على ليت
ونورك ختم قصة عذابي على اب
ياليل قل لصبح اني تمنيت
بس إبتسامه تنتشل قلب منصاب